Xəbərlər

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

AZTU əməkdaşlarının yubileylərinin qeyd olunması

Ənəyə sadiq qalaraq AZTU-nun rektorluğu və AZTU Həmkarlar İttifaqı Komitəsinin təşəbbüsü ilə əməkdaşların yubileyləri qeyd edilmişdir. Elm və təhsil sahəsində göstərdikləri yüksək peşekarlığa, yüksək məsuliyyət və kollektivdə qazandıqları hörmətlə seçilən Nəqliyyat və logistika fakültəsinin dosenti Əliyev Əlləz Hacıəhməd oğlu, Sənaye iqtisadiyyatı və menecment fakültəsinin professoru Hüseynova Arzu Doğru qızı, Maşınqayırma və metalurgiya fakültəsinin professoru Talıbov Güləhməd Mirəhməd oğlu və dosenti Qasımov Rəşid Cümşüd oğlu, Xüsusi texnika və texnologiyalar fakültəsinin dosenti Rzayev Elçin Davud oğlu, İnformasiya texnologiyaları və telekomunikasiya fakültəsinin baş müəllimi Rizvanova Mülayim Mehdi qızı, Müdafiə texnologiyaları və Kibertəhlükəsizlik institutunun tədqiqatçı – alimi İbrahimov Əli Adil oğlu, İnsan resurslarının idarə edilməsi departamentinin mütəxəssisi İbrahimova İradə Rəşid qızı, Əməyin mühafizəsi və texniki təhlükəsizlik şöbəsinin aparıcı mühəndisi İbrahimov Afər Xammər oğlu, İnfrastrukturun idarə edilməsi departamentinin komendantı Hüseynov Sərdar Həsən oğlu və xadiməsi Qasımova Nurəngiz Miri qızının yubileyi qeyd edilmişdir.

AZTU-da tədris ilinin uğurla başa çatması münasibətilə korporativ tədbirin təşkili və keçirilməsi.

AZTU HİK-in təşkilatçılığı ilə 11.07.2026-cı il tarixində Park Wine by Hollywood məkanında tədris ilinin uğurla başa çatması münasibətilə kollektivin birgə fəaliyyətini dəyərləndirmək, əməkdaşlar arasında komanda ruhunu daha da gücləndirmək, il ərzində əldə olunan nailiyyətləri qeyd etmək və növbəti tədris ili üçün motivasiyanı artırmaq məqsədilə korporativ tədbir keçirilmişdir. Tədbir çərçivəsində il ərzində fərqlənən əməkdaşların təltif edilməsi, təbrik çıxışları və kollektiv nahar təşkil olunmuşdur. Tədbir zamanı universitetin müxtəlif sahələrində fəaliyyət göstərən əməkdaşlara motivasiya xarakterli müxtəlif nominasiyalar üzrə fəxri fərmanlar və hədiyyələr təqdim edilmişdir. Tədqiqat mükəmməlliyi, akademik fəaliyyətdə mükəmməllik,fakültənin inkişafına töhfə, sənaye tərəfdaşlığı,komanda performansı, qlobal və institusional reputasiya, yüksək təhsildə mükəmməllik, keyfiyyət təminatında mükəmməllik, AZTU dəyərlərinin səfiri, İinovasiya və layihə mükəmməlliyi, ömürboyu təhsilin inkişafı kimi nominasiyalar üzrə təqdimatlar olmuşdur.

AZTU-da məzun günü qeyd olunub.

Azərbaycan Texniki Universitetinin təşəbbüsü, Tələbə Həmkarlar İttifaqı Komitəsi (THİK) və  Həmkarlar İttifaqı Komitəsinin (HİK) dəstəyi ilə  22 iyun 2026-cı il tarixində “Crystal Hall” da AZTU-nun tələbə həyatının mühüm mərhələlərindən biri olan Məzun Günü yüksək səviyyədə qeyd olundu. 

 Tədbirdə ilk olaraq çıxış edən universitetin rektoru Vilayət Vəliyev yeni həyata qədəm qoyan məzunlarımıza ən xoş arzularını bildirdi.

 Daha sonra Elm və Təhsil İşçiləri Həmkarlar İttifaqı Komitəsinin sədr müavini Mirzə Cəfərzadə tərəfindən Azərbaycan Texniki Universitetinin məzunları olan Tələbə Həmkarlar İttifaqı Komitəsinin sədr müavinləri və Həmkarlar İttifaqı Komitəsinin əməkdaşı Təşəkkürnamə ilə təltif olundular.

 Məzunlarımızı bu əlamətdar gün münasibətilə təbrik edir, onların gələcək peşəkar fəaliyyətlərində və şəxsi inkişaf yollarında uğurlar arzulayırıq.

AZTU əməkdaşlarının yubileyi qeyd olunub.

Belə ki, ənənəvi olaraq AZTU-nun rektorluğu Həmkarlar İttifaqı Komitəsinin təşəbbüsü ilə Maşınqayırma və metallurgiya fakültəsinin dosenti Şıxseyidov Ağa Şıxzadə oğlu və Məmmədov Fərrux Qara oğlu, Sənaye iqtisadiyyatı və menecment fakültəsinin dosenti Mikayılov Fərhad Qamboy oğlu, Bir Pəncərə Xidməti şöbəsinin mütəxəssisi Musayev Rəjdin Qurban oğlu, Kitabxana İnformasiya Mərkəzinin əməkdaşı Mir-Bağırova Rahiyyə Məmməd Əli qızının yubileyi qeyd edilib.

    Eyni zamanda universitetdə 45 il bağban kimi çalışmış Namazov Dilqəm Mikayıl oğlu, ağacların, bitkilərin becərilməsi, onlara qulluq edilməsi sahəsində zəngin təcrübəsi olan, işlədiyi müddətdə məsuliyyətli və zəhmətkeş əməkdaş kimi tanınmış, yaşıllıq sahələrinin qorunması və inkişafına öz töhfəsini vermişdir. Peşəsinə sevgi və yüksək məsuliyyətlə yanaşaraq üzərinə düşən vəzifələri daim keyfiyyətlə yerinə yetirmişdir. Əməkdaşlara AZTU rektorluğu və Həmkarlar İttifaqı Komitəsi tərəfindən fəxri fərman və hədiyyələr təqdim edilib.   AZTU əməkdaşlarının yubileyi qeyd olunub.Belə ki, ənənəvi olaraq AZTU-nun rektorluğu Maşınqayırma və metallurgiya fakültəsinin dosenti Şıxseyidov Ağa Şıxzadə oğlu və Məmmədov Fərrux Qara oğlu, Sənaye iqtisadiyyatı və menecment fakültəsinin dosenti Mikayılov Fərhad Qamboy oğlu, Bir Pəncərə Xidməti şöbəsinin mütəxəssisi Musayev Rəjdin Qurban oğlu, Kitabxana İnformasiya Mərkəzinin əməkdaşı Mir-Bağırova Rahiyyə Məmməd Əli qızının yubileyi qeyd edilib.

    Eyni zamanda universitetdə 45 il bağban kimi çalışmış Namazov Dilqəm Mikayıl oğlu, ağacların, bitkilərin becərilməsi, onlara qulluq edilməsi sahəsində zəngin təcrübəsi olan, işlədiyi müddətdə məsuliyyətli və zəhmətkeş əməkdaş kimi tanınmış, yaşıllıq sahələrinin qorunması və inkişafına öz töhfəsini vermişdir. Peşəsinə sevgi və yüksək məsuliyyətlə yanaşaraq üzərinə düşən vəzifələri daim keyfiyyətlə yerinə yetirmişdir. Əməkdaşlara AZTU rektorluğu və Həmkarlar İttifaqı Komitəsi tərəfindən fəxri fərman və hədiyyələr təqdim edilib.

AZTU-da 15 İyun- Milli Qurtuluş Gününə həsr olunan tədbir keçirilib.

AZTU Həmkarlar İttifaqı Komitəsinin dəstəyi, Yeni Azərbaycan Partiyası (YAP) Yasamal rayon təşkilatı, Yasamal Rayon İcra Hakimiyyəti və Azərbaycan Texniki Universitetinin (AZTU) birgə təşkilatçılığı ilə 15 İyun- Milli Qurtuluş Gününə həsr olunan “15 İyun: Qurtuluşdan inkişafa aparan yol” mövzusunda tədbir keçirilib. Əvvəlcə universitetin foyesinda Ümummilli lider Heydər Əliyevin büstü  önünə güllər düzülüb. Daha sonraMilli Qurtuluş Gününə həsr olunan videoçarx nümayiş olunub. Qonaqları salamlayan AZTU-nun rektoru Vilayət Vəliyev Milli Qurtuluş günü münasibətilə təbriklərini çatdırıb.

AZTU HİK təşkilatçılığı ilə Quba " Nazlı Bulaq" istirahət mərkəzinə gəzinti təşkil olunub.

Azərbaycan Texniki Universiteti Həmkarlar

İttifaqı Komitəsinin təşkilatçılığı ilə əməkdaşların asudə vaxtlarının səmərəli təşkili məqsədilə Quba rayonunda yerləşən " Nazlı bulaq" istirahət mərkəzinə gəzinti təşkil olunub.

Gəzintidə HİK-in üzvləri va universitetin müxtəlif strukturlarında çalışan , eyni zamanda kafedralarda fəaliyyət göstərən professor-müəllim heyəti iştirak etmişdir.

Günün proqramına müxtalif intellektual oyunlar, musiqili proqramlar va rəqs nömrələri daxil olmuşdur. Universitetdə fəaliyyət göstərən əməkdaşlar bir-biri ilə daha yaxından tanış olmuş, gündəlik iş rejimindan kanar istirahət imkanı əldə etmişlər.

AZTU əməkdaşlarının yubileyləri qeyd olunub.

Belə ki, ənənəvi olaraq AZTU-nun rektorluğu va Həmkarlar İttifaqı Komitəsi tərəfindən yubileyi olan əməkdaşların yubileylərini təbrik edilməsi çərçivəsində bu dəfə AZTU-nun Sənaye iqtisadiyyatı və menecment fakültəsinin dosenti Rzayeva Nuriyyə Əsgər qızı, İnformasiya texnologiyaları və telekomunikasiya fakültesinin dosenti İsmayılova Sevinc Ramiz qızı, Maşınqayırma və mettallurgiya fakültəsinin dosenti Aslanov Elbəy Aslan oğlunun yubileyləri qeyd edilib.Yubilyarlara AZTU rektorluğu və Həmkarlar İttifaqı Komitəsi tərəfindən fəxri fərman və hədiyyə təqdim edilib.

Həmkarlar İttifaqları Konfederasiyasının təşkilatçılığı ilə xalqımızın Ümummilli Lideri Heydər Əliyevin anadan olmasının 103-cü ildönümünə həsr olunmuş “Xalq üçün yaşanan ömür” adlı tədbir keçirilib.

Bakı Konqres Mərkəzində Azərbaycan

Həmkarlar İttifaqları Konfederasiyasının təşkilatçılığı ilə xalqımızın Ümummilli Lideri Heydər Əliyevin anadan olmasının 103-cü ildönümünə həsr olunmuş “Xalq üçün yaşanan ömür” adlı tədbir keçirilib.

Tədbirdə Azərbaycan Texnikini Universiteti Həmkarlar İttifaqı Komitəsinin və AZTU-nun əməkdaşları iştirak etmişlər.

AZTU-da Xalq şairi Səməd Vurğunun 120 illik yubileyinə həsr olunan musiqili-bədii tədbir keçirilib.

Azərbaycan Texniki Universitetinin (AZTU) Humanitar fənlər kafedrası, Tələbə Həmkarlar

İttifaqı Komitəsinin (THİK) və Həmkarlar İttifaqı Komitəsinin (HİK) birgə təşkilatçılığı ilə Xalq şairi Səməd Vurğunun 120 illik yubileyinə həsr olunan

musiqili-bədii tədbir keçirilib.AMEA-nın Nizami Gəncəvi adına Ədəbiyyat

İnstitutunun böyük elmi işçisi Aytən QurbanovaAzərbaycan ədəbiyyatının görkəmli nümayəndəsi, Xalq şairi Səməd Vurğunun 120 illik yubileyinin keçirilməsi haqqında Azərbaycan Respublikası Prezidentinin

2026-cü il 23 fevral tarixli Sərəncamının əhəmiyyətiniqeyd edib.AZTU-nun prorektoru Fariz Mammadov tədbir

iştirakçılarını salamlayaraq, poeziyamızın görkəmli nümayandəsi kimi Səməd Vurğun işinin Azərbaycan ədəbiyyatına dəyərli töhfə olduğunu bildirib.

“Dədə Ələsgər Ocağı” İctimai Birliyinin sədri, Aşıq Ələsgərin nəticəsi Xətai Ələsgərli və AZTU-nun Humanitar fənlər kafedrasının müdiri Həbib Mirzəyev çıxış edərək, yüksək vətənpərvərlik duyğuları ilə zəngin Səməd Vurğun irsinin Azərbaycan poeziyasının parlaq səhifələrindən birini təşkil etdiyini bildiriblər.Şairin müəllifi olduğu şeirlərdə Vətənə, millətə, doğma ana dilinə sonsuz məhəbbətinin ifadə edildiyi, milli ideallara, azərbaycançılıq məfkurəsinə yüksək mənada bağlı olduğu tədbir iştirakçılarının diqqətinə çatdırılıb.Tədbirin bədii hissəsində Azərbaycan aşıq sənətinin görkemli nümayəndələri - Aşıq Aydın Musayev, beynəlxalq müsabiqələr qalibi, Xəzər Universitetinin müəllimi Aşıq Ramin Qarayev, Beynəlxalq Muğam Mərkəzinin nəzdində fəaliyyət göstərən Cahangir Cahangirov adına xorun solisti Mədinə Səlimova,Azerbaycan Mədəniyyəti Sosial Şəbəkə Platformasının icraçı direktoru Fərid Əzizli, ADMİU-nun tələbəsi Ceyran Abbaslı Səməd Vurğunun şeirlarinə bəstələnmiş musiqi nömrələri ilə çıxış ediblər.Daha sonra Səməd Vurğunun poeziya nümunələri

Aytən Qurbanova, Həbib Mirzəyev, Canpolad Quliyev tərəfindən səsləndirilib.

AZTU və TAU kollektivi Ulu Öndərin məzarını ziyarət ediblər.

Mayın 10-u müasir müstəqil Azərbaycanın memarı və qurucusu, xalqımızın dahi oğlu və ümummilli lideri Heydər Əliyin anadan olmasının 103-cü ildönümüdür.

Bununla əlaqədar Azərbaycan Texniki Universitetinin(AZTU) və Türkiyə -Azərbaycan Universitetinin (TAU) kollektivi eyni zamanda Azərbaycan Texniki Universitetinin Həmkarlar İttifaqı komitəsinin əməkdaşları da mayın 8-də Fəxri xiyabanda Ulu Öndərinməzarını ziyarət ediblər.Görkəmli oftalmoloq-alim, akademik Zərifə xanım Əıiyevanın da xatirəsi ehtiramla yad olunub.